Meneja Mradi wa Ukarabati TLSB Mhandisi Mayenga Magembe wa Halmashauri ya Jiji Ilala, amekabidhi maeneo yatakayofanyiwa ukarabati Maktaba Kuu ya Taifa Dar es Salaam kwa Local Fundi, ili kuanza zoezi hilo la ukarabati hivi karibuni. Makabidhiano hayo yamefanyika katika ofisi za TLSB Makao Makuu Dar es Salaam tarehe 14 Septemba 2022. Katika zoezi hilo Mhandisi Magembe aliambatana na Meneja Mradi Msaidizi Mhandisi Rosemary Tendeka. Kwa upande wa TLSB, makabidhiano hayo yamesimamiwa na Afisa Miliki Bw. Gerald Elia. Aidha, Wafanyakazi kutoka Idara na Vitengo mbalimbali TLSB wameshuhudia makabidhiano hayo.