Wajumbe sita (6) wa Tume ya Taifa ya Uchaguzi wamehudhuria Warsha ya kujengea uwezo Tume za Uchaguzi na wadau wa Uchaguzi wa Jumuiya ya Nchi za Ukanda wa Maziwa Makuu (ICGLR) inayofanyika jijini Dar es Salaam.

Wajumbe hao walioongozwa na Mwenyekiti wa Tume ya Taifa ya Uchaguzi, Jaji wa Mahakama ya Rufaa Mhe. Jacobs Mwambegele, ni pamoja na Makamu Mwenyekiti wa Tume, Jaji Rufaa Mst. Mhe. Mbarouk Salim Mbarouk.

Wajumbe wengine ni Jaji wa Mahakama Kuu Mhe. Asina Omari, Jaji wa Mahakama ya Rufaa Mhe. Mwanaisha Kwariko, Mhe. Balozi Omari Ramadhani Mapuri, na Mhe. Magdalena Rwebangira.

Mkutano huo pia unahudhuriwa na Mkurugenzi wa Uchaguzi wa Tume ya Taifa ya Uchaguzi Dkt. Wilson Mahera Charles na baadhi ya wakuu wa Idara na Vitengo vya Tume.